අඟහරුවාදා අත්ලාන්තික් සාගරයේ දෙපසම කොටස් වෙළෙඳපොළ පහත වැටුණා.
මෙම තත්ත්වය රන් මිල පළමු වරට අවුන්සයකට ඩොලර් 4,800 ට වඩා ඉහළ ගියා.
රිදී මිල අවුන්සයක් ඊයේ වාර්තා වූ ඩොලර් 94 ක් වූ වාර්තාගත මිලට වඩා මදක් පහළ ගොස් තිබෙනවා.
අවිනිශ්චිත කාලවලදී තබා ගැනීමට ආරක්ෂිත වත්කම් ලෙස සලකනු ලබන බැවින්, පසුගිය වසර පුරා රන් සහ රිදී යන දෙකෙහිම මිල ඉහළ ගියා.
මුදල් වෙළෙඳපොළවල, එක්සත් ජනපද ඩොලරය එහි ප්රධාන තරගකරුවන්ට සාපේක්ෂව අද ස්ථාවරව පැවති නමුත් ඊයේ සියයට 0.5කින් පහත වැටුණේ දෙසැම්බර් මාසයෙන් පසු විශාලතම අවප්රමාණය වාර්තා කරමින්.
ලෝක වෙළෙඳාමේ මෙවන් අවිනිශ්චිත පසුබිමක යුරෝපා සංගමය ඉන්දියාව සමඟ නිදහස් වෙළඳ ගිවිසුම අවසන් අදියරේ පවතින බව යුරෝපීය කොමිසමේ සභාපති උර්සුලා වොන් ඩර් ලේන් ඩාවෝස් හි පැවති ලෝක ආර්ථික සමුළුව අමතමින් පැවසුවා.
නමුත්, ඒ සම්බන්ධයෙන් තවත් ඉටුකළ යුතු කාර්යයන් ඇතැයි ඇය සඳහන් කළා.
යුරෝපා සංගමය සිය වෙළෙඳාම විවිධාංගීකරණයට ගන්නා පියවර පැහැදිලි කරමින් යුරෝපීය කොමිසමේ සභාපතිනිය ගිවිසුම බිලියන දෙකක ජනතාවකගේ වෙළෙඳපොලක් නිර්මාණය කරන සියලු ගනුදෙනුවල මව ලෙස හඳුන්වනු ලැබුවා.
එය ගෝලීය දළ දේශීය නිෂ්පාදිතයෙන් හතරෙන් එකක්.
වොන් ඩර් ලේන් ලබන සතියේ ඉන්දියාවට පැමිණීමට නියමිතයි.
