ඉදිරි වර්ෂය සඳහා අද ඉදිරිපත් කරනු ලැබූ ඉන්දීය අග්රාමාත්ය නරේන්ද්ර මෝදිගේ ආණ්ඩුවේ අයවැයෙන් ශ්රී ලංකාවේ ව්යාපෘති සඳහා ආධාර වශයෙන් ඉන්දීය රුපියල් බිලියන 4ක් වෙන් කර තිබෙනවා.
මුදල් අමාත්ය නිර්මලා සීතාරාමන් අද ඉදිරිපත් කළ අයවැය නිෂ්පාදන අංශය කෙරෙහි වැඩි නැඹුරුවක් ඇති එකක් බව ආර්ථික විශ්ලේෂකයින් පෙන්වා දෙනවා.
ඉන්දීය මුදල් අමාත්ය නිර්මලා සීතාරාමන් 2026/ 2027 මූල්ය වර්ෂය සඳහා නරේන්ද්ර මෝදි ආණ්ඩුවේ අයවැය අද ලෝක් සභාවට ඉදිරිපත් කළා.
සීතාරාමන් අයවැය ඉදිරිපත් කළේ අඛණ්ඩව නවවැනි වරටයි.
2026 මාර්තු 31 වන දිනෙන් අවසන් වන මූල්ය වර්ෂය තුළ දළ දේශීය නිෂ්පාදිත වර්ධනය 7.4% ක් ලෙස අපේක්ෂා කරන ඉන්දියානු ආර්ථිකය ලොව වේගයෙන්ම වර්ධනය වන ප්රධාන ආර්ථිකයක් ලෙස සැලකෙනවා.
නමුත් විදේශීය ආයෝජකයින් වාර්තාගත ලෙස ඉන්දියානු කොටස් ප්රමාණයක් විකුණා ඇති අතර, රුපියල ඉතිහාසයේ අවම මට්ටමට තියුනු ලෙස දුර්වල වී තිබෙනවා.
ආසියාවේ තුන්වන විශාලතම ආර්ථිකය බවට පත්වීම ප්රමුඛතාව වන ඉලක්කය සමග අස්ථාවර ගෝලීය පරිසරයක් මධ්යයේ වර්ධනය වේගවත් කිරීමට පොරොන්දුව වෙමින් රටේ නිෂ්පාදන අංශය ශක්තිමත් කිරීමට රජය බලාපොරොත්තු වන බව මුදල් අමාත්ය නිර්මලා සීතාරාමන් සිය අයවැය කතාවේදී පැවසුවා.
එමෙන්ම, ඉදිරි මූල්ය වර්ෂයේදී ෆෙඩරල් රජයේ දළ දේශීය නිෂ්පාදිතයේ ප්රතිශතයක් ලෙස රාජ්ය ණය 56.1% සිට 55.6% දක්වා අඩු කිරීමට අවධානය යොමු කරනු ඇති.
රජය අංශ හතක් හරහා නිෂ්පාදනය වැඩි කිරීමට ප්රමුඛත්වය දෙන බව සීතාරාමන් පැවසුවා.
ඖෂධ, අර්ධ සන්නායක, දුර්ලභ-පෘථිවි චුම්බක, රසායනික ද්රව්ය, ප්රාග්ධන භාණ්ඩ, රෙදිපිළි සහ ක්රීඩා භාණ්ඩ ඊට ඇතුළත්.
ආර්ථික වර්ධනය ශක්තිමත්ව තබා ගැනීම සඳහා, රජය පසුගිය වසරේ රුපියල් ට්රිලියන 11.2 ට සාපේක්ෂව නව වසරේ යටිතල පහසුකම් සඳහා ඉන්දියානු රුපියල් ට්රිලියන 12.2 ක් වැය කරනු ඇති.
ආරක්ෂක වියදම් 6% කින් පමණ ඉහළ නංවා තිබෙනවා.
මේ අතර, ඉන්දියාවේ 2026/27 වර්ෂයන් සඳහා ඉදිරිපත් කල අයවැය මඟින් ශ්රී ලංකාවට ඉන්දීය රුපියල් කෝටි 4ක් මධ්යම රජයේ යෝජනා ක්රම සහ ව්යාපෘති සඳහා ආධාර වශයෙන් වෙන් කර තිබෙනවා.
එම වෙන් කිරීම් පසුගිය වසරට වඩා කෝටි 100කින් වැඩි කර තිබීම විශේෂත්වයක්.
වැඩිම මුදලක් ලෙස ඉන්දීය රුපියල් කෝටි 2288.56ක් භූතානය සඳහා වෙන් කර තිබෙනවා.
දකුණු ආසියානු රටවල් අතුරින් බංග්ලාදේශය සහ මාලදිවයින සඳහා වෙන් කළ ආධාර පසුගිය වසරට සාපේක්ෂව නව මුල්ය වර්ෂයේ දී අඩු කර තිබෙනවා.
මෙම ප්රතිපාදන ඉන්දියාවේ බහුපාර්ශ්වික සහ ද්විපාර්ශ්වික ආධාර සහ අසල්වැසි සහ අනෙකුත් සංවර්ධනය වෙමින් පවතින රටවලට ආධාර වැඩසටහන් සඳහායි.
එය ආපදා සහන සහ මානුෂීය ආධාර සඳහා ද සපයනු ලබන බවයි අයවැය වාර්තාවේ සඳහන් වන්නේ.
