6 වසර සඳහා යෝජිත අධ්යාපන ප්රතිසංස්කරණ මේ වසර තුළ දී ක්රියාත්මක කරන ලෙස ඉල්ලා අධ්යාපන අමාත්යංශය ඉදිරිපිට උද්ඝෝෂණයක් පැවැත්වුණා.උද්ඝෝෂණය සංවිධාන කර තිබුණේ 6 වසර දරුවන්ගේ මව්පිය එකමුතු නම් සංවිධානයයි.
මෙම වසරේ සිට 01 ශ්රේණියට සහ 06 ශ්රේණියට නව විෂය මාලාවක් සහිතව අධ්යාපන ප්රතිසංස්කරණ ක්රියාත්මක කිරීමට අධ්යාපන අමාත්යශය මුල් අවස්ථාවේදී තීරණය කර තිබුණා.
කෙසේනමුත් ඒ හයවන ශ්රේණියේ ඉංග්රීසි භාෂා මොඩියුලයේ සඳහන් වූ වෙබ් අඩවියක් හේතුවෙන් පාර්ශ්ව රැසකින් එල්ල වූ දැඩි විවේචන හා විරෝධතා මත හය ශ්රේණ්ය සඳහා වූ විෂයමාලා සංශෝධනය ලබන වසරට කල් තැබුවා.
මෙවන් පසුබිමක 6 ශ්රේණියේ අධ්යාපන ප්රතිසංස්කරණවල අඩුපාඩු නැවත සකස් කොට මේ වසරේදීම ක්රියාත්මක කරන ලෙස ඉල්ලා අධ්යාපන අමාත්යංශය ඉදිරිපිට අද උද්ඝෝෂණයක් පැවැත්වුණා.
ඒ සඳහා එක්ව සිටියේ 6 ශ්රේණිය දරුවන්ගේ දෙමව්පිය එකමුතුව නම් පිරිසක්.
පවතින විෂය නිර්දේශය පැරණි බව ද ඔවුන් සඳහන් කළා.මේ හා සමගාමීව මාතර මාලිම්බඩ ප්රදේශයේ ද වැඩිහිටියන් පිරිසක් නව අධ්යාපන ප්රතිසංස්කරණ ක්රියාත්මක කරන ලෙස ඉල්ලා උද්ඝෝෂණයක නිරත වුණා. මේ අතර අධ්යාපන ප්රතිසංස්කරණ සම්බන්ධයෙන් අදත් පාර්ශ්ව කිහිපයක් අදහස් පළ කළා.
