බුෂ්රා බිබි ඛාන්ගේ ශාරීරික හා මානසික අඛණ්ඩතාව බරපතල අවදානමක

හිටපු පකිස්ථාන අගමැති ඉම්රාන් ඛාන්ගේ බිරිඳ වන බුෂ්රා බිබි ඛාන්, ඇගේ ශාරීරික හා මානසික අඛණ්ඩතාවයට බරපතල අවදානමක් ඇති කළ හැකි තත්වයන් යටතේ රඳවාගෙන සිටින බව එක්සත් ජාතීන්ගේ විශේෂඥයන් අනතුරු අඟවනවා.
මෙම තත්ත්වය විසඳීමට වහාම පියවර ගන්නා ලෙස ජිනීවා හි එක්සත් ජාතීන්ගේ මානව හිමිකම් මහකොමසාරිස් කාර්යාලය පාකිස්තාන බලධාරීන්ගෙන් ඉල්ලා සිටිනවා.
“බුෂ්රා ඛාන්ගේ සෞඛ්‍යය ආරක්ෂා කිරීමට සහ මානව ගරුත්වයට අනුකූලව රඳවා තබා ගැනීමේ කොන්දේසි සහතික කිරීමට රජයට බැඳීමක් ඇතැයි වධහිංසා පිළිබඳ එක්සත් ජාතීන්ගේ විශේෂ නියෝජිත ඇලිස් ජිල් එඩ්වර්ඩ්ස් පැවසුවා.
දැනට ඇඩියාලා බන්ධනාගාරයේ රඳවා සිටින බුෂ්රා බිබි ඛාන් අපිරිසිදු, අධික ලෙස රත් වූ සහ කෘමීන් සහ මීයන්ගෙන් පිරී ඇති කුඩා, වාතය රහිත කුටියකට සීමා වී ඇති බව වාර්තා වනවා.
ඇයට අපිරිසිදු පානීය ජලය සහ අධික මිරිස් කුඩු අන්තර්ගත කෑමට ගත නොහැකි ආහාර ලබා දෙන බව වාර්තා වන බව වධහිංසා පිළිබඳ එක්සත් ජාතීන්ගේ විශේෂ වාර්තාකරු පවසනවා.