චීනයේ එක් දරු ප්රතිපත්තියේ හිටපු ප්රධානියෙකුගේ මරණයත් සමග මේ සතියේ එරට සමාජ මාධ්ය පරිශිලකයක් මේ වන විට අතහැර දමා ඇති ප්රතිපත්තිය දැඩි ලෙස දෝෂදර්ශනයට ලක් කර තිබුණා.
නමුත් චීන රාජ්ය මාධ්ය, 1988 සිට 1998 දක්වා චීනයේ පවුල් සැලසුම් කොමිසමේ ප්රධානියා වූ අභාවප්රාප්ත පෙන්ග් පෙයියුන්, කාන්තාවන් සහ දරුවන් සම්බන්ධයෙන් ඇයගේ කාර්යයේ “කැපී පෙනෙන නායිකාවක්” ලෙස ප්රශංසා කළා..
1980 සිට 2015 දක්වා යුවළකට එක් දරුවෙකු පමණක් යන චීනයේ විශ්වීය නියෝගය හේතුවෙන් කාන්තාවන්ට ගබ්සා කිරීම් සහ වන්ධ්යාකරණයන් සිදු කිරීමට බල කරනු ලැබුවා.
“අහිමි වූ, ඒ දරුවන් මරණින් මතු ජීවිතයේදී ඔබ එනතුරු බලා සිටිති” යනුවෙන් චීනයේ ජනප්රිය ක්ෂුද්ර බ්ලොග් අඩවියක් වන Weibo හි එක් පුද්ගලයෙක් පළ කර තිබුණා.
ජනගහන වර්ධනය පාලනයෙන් තොර විය හැකි බවට නායකයින් කනස්සල්ලට පත්ව සිටියදී බීජිනය එක් දරු ප්රතිපත්තිය දියත් කළා.
නමුත් දිගු කලක් ලෝකයේ ඉහළම අගය වූ චීනයේ ජනගහනය පසුව මන්දගාමී වූ අතර පසුගිය වසරේ අඛණ්ඩව තුන්වන වසරටත් පහත වැටුණා.
පසුගිය වසරේ චීනයේ ජනගහනය බිලියන 1.39 දක්වා පහත වැටුණු අතර ඉදිරි වසරවලදී පහත වැටීමේ ප්රවණතාවය වේගවත් වන බව විශේෂඥයින් අනතුරු අඟවනවා.
කෙසේ වෙතත් 2010 පමණ වන විට, පෙන්ග් ප්රසිද්ධියේ ඇගේ අදහස් වෙනස් කර තිබුණේ, එක් දරු ප්රතිපත්තිය ලිහිල් කළ යුතු බව පවසමින්.
දැන් බීජිනය ළමා ආරක්ෂණ සහනාධාර, දිගු මාතෘ නිවාඩු සහ බදු ප්රතිලාභ සමඟ ක්ෂය වන උපත් අනුපාතය ඉහළ නැංවීමට උත්සාහ කරමින් සිටිනවා.
ජනගහනය හැකිලීම සහ වයස්ගත ජනගහනය වැඩිවීම, වැඩකළ හැකි ජනගහනය අඩු වන විට ලෝකයේ දෙවන විශාලතම ආර්ථිකය බරපතළ අර්බුද රැසකට මුහුණදෙනු ඇති බවට කනස්සල්ලක් ඇතිව තිබෙනවා.
වැඩිහිටි සත්කාර සහ විශ්රාම ප්රතිලාභ සඳහා වන වියදම් ඉහළ යාම චීනයට දැනටමත් අමතර අයවැය පීඩනයක් වී තිබීම ඊට හේතුවයි.
